மோசடி குற்றச்சாட்டில் சிக்கியுள்ள திலினி பிரியமாலியுடன் நெருக்கமாக இருந்த பொலிஸார், பிரபல அரசியல்வாதிகள் மற்றும் பிரபல நடிகைகளின் பெயர்கள் கண்டுபிடிக்கப்பட்டுள்ளன.
வெளித்தெரியாத பல கோடீஸ்வரர்களை ஏமாற்றினார் என்று குற்றம் சாட்டப்பட்டுள்ள பிரியமாலிக்கு நெருக்கமாக இருந்த பொலிஸார், அமைச்சர்கள் மற்றும் பிரபலங்கள் பல கோடி ரூபா நிதி மோசடியில் ஈடுபட்டுள்ளனர் என்றும் குற்றச்சாட்டுக்கள் எழுந்துள்ளன.
வர்த்தகர்கள், அரசியல்வாதிகள், கலைஞர்கள், பொலிஸ் மா அதிபர்கள் உள்ளிட்ட பல முக்கியஸ்தர்களுடன் திலினி பிரியமாலி எவ்வாறு நெருங்கிய தொடர்பு வைத்திருந்தார் என்பதைக் குற்றப் புலனாய்வுப் பிரிவினர் வெளிப்படுத்தியுள்ளனர்.
இந்த விடயம் தொடர்பில் பத்திரிகைக்கு கருத்துத் தெரிவித்த உயர் பொலிஸ் அதிகாரி ஒருவர், குற்ற விசாரணை பிரிவினரால், கற்பனை கூட செய்து பார்க்க முடியாத விடயங்கள் கண்டுபிடிக்கப்பட்டுள்ளன என்று குறிப்பிட்டுள்ளார்.
பிரபலங்களிடம் உதவி தேவைப்படும்போது அவர்களை மிரட்டி தனக்குத் தேவையானதைச் செய்ய வேண்டும் என்பதற்காக பிரியமாலி பிரபலங்கள் பேசும் உரையாடல்களை பதிவு செய்து வைத்திருந்தமையும் விசாரணையில் தெரியவந்துள்ளது.
Discussion about this post