கொழும்பு முச்சக்கரவண்டியில் பொலிஸாருக்கு காத்திருந்த அதிர்ச்சி!

 கொழும்பு, பொரள்ளை பொலிஸ் பிரிவுக்குட்பட்ட பகுதியில் முச்சக்கரவண்டியில் போதைப்பொருள் கடத்திய மூன்று சந்தேக நபர்கள் பொலிஸ் விசேட அதிரடிப்படையின் புலனாய்வுப் பிரிவு அதிகாரிகளால் கைது செய்யப்பட்டுள்ளனர்.

கைதானவர்கள் பொரள்ளை, இராஜகிரிய மற்றும்  கொழும்பு 8 ஆகிய பிரதேசங்களைச் சேர்ந்த 26, 27 மற்றும் 34 வயதுடையவர்கள் என கூறப்படுகின்றது .

பொலிஸ் விசேட அதிரடிப்படை  சுற்றிவளைப்பு

பொலிஸ் விசேட அதிரடிப்படையினருக்கு கிடைத்த தகவலின் பேரில் மேற்கொள்ளப்பட்ட சுற்றிவளைப்பில் முச்சக்கரவண்டியில் போதைப்பொருள் கடத்தலில் ஈடுபட்ட சந்தேக நபரொருவர் கைது செய்யப்பட்டுள்ளார்.

சந்தேக நபரிடம் மேற்கொள்ளப்பட்ட விசாரணையில் இந்த போதைப்பொருள் கடத்தலுடன் தொடர்புடைய மேலும் இரண்டு சந்தேக நபர்கள் கைது செய்யப்பட்டுள்ளனர்.

விசாரணையில் சந்தேக நபர்களிடம் இருந்து 11 கிராம் 60 மில்லிகிராம் ஐஸ் போதைப்பொருள், 2 இலத்திரனியல் தராசுகள் மற்றும் போதைப்பொருள் கடத்தல் மூலம் கிடைத்ததாகச் சந்தேகிக்கப்படும் 201,500 ரூபா பணம் உள்ளிட்ட பொருட்கள் கைப்பற்றப்பட்டுள்ளன.

கைதான சந்தேக நபர்கள் மூவரும் மேலதிக விசாரணைகளுக்காக பொரள்ளை பொலிஸ் நிலையத்தில் ஒப்படைக்கப்பட்டுள்ளனர்.