குத்துச் சண்டையில் பதக்கம் வென்று சாதித்த வவுனியா மாணவிகள்!!

வவுனியா மாணவிகள் பாடசாலை மாணவர்களுக்கிடையிலான தேசிய மட்ட குத்துச்சண்டை போட்டியில் தங்கம் மற்றும் வெள்ளி பதக்கங்களை பெற்றுசட சாதனை படைத்துள்ளனர்.

கல்வியமைச்சின் பாடசாலை மாணவர்களுக்கு இடையே நடத்தப்படும் தேசிய மட்ட குத்துச்சண்டை தேசிய போட்டி கடந்த 21ஆம் திகதி முதல் 4 நாள்கள் கண்டி நாவலப்பிட்டிய ஜெயதிலக விளையாட்டரங்கில் நடைபெற்றது.

வவுனியா பாடசாலைகளை சேர்ந்த மாணவிகள் பங்குபற்றியிருந்தனர். சிறீராமபுரம் திருஞானசம்பந்தர் வித்தியாலய மாணவிகளான எல்.கஜேந்தினி 57 கிலோ பிரிவில் தங்க பதக்கத்தையும், யூ.கீர்த்தனா 60 கிலோ பிரிவில் தங்க பதக்கத்தையும் பெற்றனர்.

சுந்தரபுரம் சரஸ்வதி வித்தியாலய மாணவி எம்.வாலசிகா 54 கிலோ பிரிவில் வெள்ளிப்பதக்கத்தையும் பெற்று சாதனை படைத்துள்ளனர்.