காணாமல் ஆக்கப்பட்டவர்களின் குடும்பத்தினருக்கு ஒரு தடவை மாத்திரம் வழங்கப்படுகின்ற ஒரு லட்சம் ரூபா கொடுப்பனவை 2 லட்சம் ரூபாவாக அதிகரிப்பதற்கு அமைச்சரவை அனுமதி வழங்கியுள்ளது.
அத்துடன், ஆளொருவர் காணாமல் ஆக்கப்பட்டுள்ளார் என இழப்பீட்டு அலுவலகம் உறுதிப்படுத்துகின்றதெனில், உதவித் தொகையை பெறுவதற்கு ‘காணாமல் ஆக்கப்பட்டமைக்கான சான்றிதழ்’ அவசியமில்லை எனவும் அமைச்சரவை தீர்மானித்துள்ளது.
அமைச்சரவைக் கூட்டம் நேற்றுமுன்தினம் ஜனாதிபதி ரணில் விக்கிரமசிங்க தலைமையில் நடைபெற்றது. அதிலேயே நீதி அமைச்சர் விஜயதாச ராஜபக்ச மேற்படி அமைச்சரவைப் பத்திரத்தை முன்வைத்து, அதற்கு அனுமதி பெற்றுள்ளார்.
Discussion about this post