சிறிலங்காவில் போராட்டங்களை ஒடுக்க பாதுகாப்புப் படையினர் பயன்படுத்தும் கண்ணீர் புகைக் குண்டுப் பாவனையை நிறுத்த வேண்டும் என்று சர்வதேச ரீதியில் அறிவிக்கப்பட்டுள்ளது என்று தகவல் வெளியாகியுள்ளது.
சுவிட்சர்லாந்தில் அமைந்துள்ள ஜெனிவா மனித உரிமைகள் பேரவையால் இந்த அறிவித்தல் விடுக்கப்பட்டுள்ளது. சிறிலங்காவில் இடம்பெற்று வரும் போராட்டங்களை ஒடுக்குவதற்காக பயன்படுத்தப்பட்ட கண்ணீர் புகை குண்டுகளில் கண்களுக்கு தீங்கு விளைவிக்கும் நச்சு இரசாயனம் உள்ளது என்று சபை தெரிவித்துள்ளது.
அரசாங்கத்துக்கு எதிரான போராட்டங்களை ஒடுக்குவதற்கு ஒவ்வொரு சந்தர்ப்பத்திலும் குறைந்தபட்ச சக்தி என்று கூறி போராட்டக்காரர்கள் மீது கண்ணீர் புகை குண்டுகளை வீசி தாக்குதல் நடத்தும் வகையில் பொலிஸார் செயல்படுகின்றனர். அதேநேரம் பல போராட்டக்காரர்கள் கண்ணீர் புகைக்குண்டு வீசி மயக்கமடைந்து மருத்துவமனையில் சேர்க்கப்பட்டுள்ளனர் என்று தெரிவிக்கப்பட்டுள்ளது.
இந்தநிலையிலேயே சிறிலங்காவில் கண்ணீர் புகை பிரயோகத்தை தடை செய்ய வேண்டும் என்று சர்வதேச சமூகம் அறிவித்தல் விடுத்துள்ளது.
Discussion about this post