உழவியந்திரம் கட்டுப்பாட்டை இழந்து விபத்துக்குள்ளானதில் குடும்பஸ்தர் ஒருவர் உயிரிழந்துள்ளார். இந்தச் சம்பவம் நேற்று மாலை ஒட்டுசுட்டான், முத்தையன்கட்டு எல்வி சந்தியில் நடந்துள்ளது.
பெரியசாமி ராஜ்குமார் (வயது-32) என்பவரே உயிரிழந்துள்ளார். உழவு நடவடிக்கைக்காக உழவியந்திரத்தைச் செலுத்திச் சென்றபோது, அது கட்டுப்பாட்டை இழந்து வீதியோர மின்கம்பத்துடன் மோதி விபத்துக்குள்ளானது.
அதில் படுகாயமடைந்த ராஜ்குமார் அந்தப் பகுதியில் இருந்தவர்களால் மீட்கப்பட்டு ஒட்டுசுட்டான் மருத்துவமனையில் சேர்க்கப்பட்டார். அங்கிருந்து அவர் மேலதிக சிகிச்சைக்காக முல்லைத்தீவு மாவட்ட மருத்துவமனைக்கு மாற்றப்பட்டார். எனினும் அவர் சிகிச்சை பயனின்றி உயிரிழந்துள்ளார் என்று மருத்துவர்கள் தெரிவித்தனர்.
இந்த விபத்துச் சம்பவம் தொடர்பாக ஒட்டுசுட்டான் பொலிஸார் விசாரணைகளை முன்னெடுத்துள்ளனர்.
Discussion about this post