கடந்த 20 நாள்களாகக் கொழும்பு துறைமுகத்துக்கு அருகிலுள்ள கடலில் நங்கூரமிட்டுள்ள கச்சா எண்ணெய்க் கப்பலின்
தாமதக்கட்டணம் 110 கோடி ரூபாவாகும் என்று எரிசக்தி அமைச்சின் அதிகாரி ஒருவர் நேற்று தெரிவித்தார்.
இது தொடர்பில் அதிகாரி மேலும் தெரித்துள்ளதாவது, 99 ஆயிரம் மெற்றிக்தொன் கச்சா எண்ணெய்க் கப்பல் ஒன்று கடந்த செப்ரெம்பர் 20 ஆம் திகதி நாட்டை வந்தடைந்தது.
டொலர் இல்லாமையால் கப்பல் கடந்த 20 நாள்களாக கொழும்பு துறைமுகத்துக்கு அருகிலுள்ள கடலில் நங்கூரமிட்டுள்ளது.
கப்பல் நங்கூரமிட்ட ஒரு நாளுக்கு தாமதக் கட்டணமாக ஒன்றரை லட்சம் டொலர் செலுத்த வேண்டும். அதன்படி, கப்பலின் தாமதக் கட்டணமாக 30 லட்சம் டொலர் அதாவது 110 கோடி ரூபா செலுத்த வேண்டும்.
இந்த நிலையில் எண்ணெய்க் கப்பலை விடுவிப்பது தொடர்பில் நிதியமைச்சு மற்றும் திறைசேரியுடன் தொடர்ந்தும் கலந்துரையாடல் இடம்பெற்று வருகின்றது என்றார்.
Discussion about this post