சட்டத்தின் பிடியில் சிக்காமல் சூட்சுமமான முறையில், ஓய்வு பெற்ற பொலிஸ் உத்தியோகத்தர் ஒருவரால் தம்புத்தேகம பிரதேசத்தில் நடத்தப்பட்டு வந்த விபச்சார விடுதியொன்றை சுற்றிவளைத்த பொலிஸார், ஐந்து பெண்களையும் அதை நடத்தி வந்த ஓய்வு பெற்ற உத்தியோகத்தரையும் கைது செய்துள்ளனர்.
சிரார்த்தம், ராஜாங்க கல்கமுவ மற்றும் நொச்சியாகம பிரதேசங்களைச் சேர்ந்த 25 வயதுக்கும் 45 வயதுக்குமி டைப்பட்ட பெண்களே இவ்வாறு கைது செய்யப்பட்டுள்ளனர். அத்துடன் விடுதியை நடத்தி வந்த 52 வயதான நபரும் கைது செய்யப்பட்டுள்ளார்.
பொலிஸாரிடம் சிக்காத வகையில் இங்கு வரும் இரு பெண்கள் தமது கணவன்மாருடன் வருவதாகவும் கணவர் இல்லாத 3 பெண்கள் வேறு மூன்று ஆண்களுடன் வருவதாகவும் விசாரணைகளில் தெரியவந்துள்ளது.
இவர்கள் அடையாள அட்டையை விடுதி காசாளரிடம் வழங்கி விட்டு தமது அறைகளில் தங்கியிருப்பதாகவும் வாடிக்கையாளர்கள் வந்தவுடன் கணவர் என கூறப்படும் நபர் அறையை விட்டு வேறு இடத்திற்கு சென்று விடுவதாகவும் விசாரணைகளில் தெரியவந்துள்ளது.
இவ்வாறு சூட்சுமமான முறையில் நீண்டகாலமாக இந்த விபச்சார விடுதி இயங்கி வந்துள்ளது. பொலிஸார், தரகர் ஒருவர் மூலம் மேற்கொண்ட ரகசிய சுற்றிவளைப்பில் இந்த தகவல்கள் வெளிவந்துள்ளன.
இதை நடத்தி வரும் ஓய்வுபெற்ற கான்ஸ்டபிள் ஒரு நாளைக்கு 50 ஆயிரம் ரூபா வரை உழைப்பதாகவும் தெரியவந்துள்ளது.
Discussion about this post