ஒரு இலட்சத்து 94 ஆயிரத்திற்கும் மேற்பட்டோருக்கு நேற்று தடுப்பூசி செலுத்தப்பட்டது – சுகாதார அமைச்சு.

இலங்கையில் நேற்று ஒரு இலட்சத்து 94 ஆயிரத்து 556 பேருக்கு கொரோனா
தடுப்பூசி செலுத்தப்பட்டுள்ளதாகத சுகாதார அமைச்சு அறிவித்துள்ளது.

29,654 பேருக்கு அஸ்ட்ராசெனெகா தடுப்பூசியின் முதல் டோஸ்
வழங்கப்பட்டதாகவும், 9,570 பேருக்கு இரண்டாவது டோஸ் வழங்கப்பட்டதாகவும்
அறிவிக்கப்பட்டுள்ளது.

மேலும் 63,461 பேருக்கு முதல் சினோபோர்ம் தடுப்பூசியின் முதல் டோஸ்
வழங்கப்பட்டதுடன் 69,736 பேருக்கு இரண்டாவது டோஸ் வழங்கப்பட்டது.

இதற்கிடையில், 2,962 பேருக்கு பைசர் தடுப்பூசியின் முதல் டோஸும் 58
பேருக்கு இரண்டாவது டோஸும் 19,115 பேருக்கு முதல் மொடர்னா தடுப்பூசி
டோஸும் வழங்கப்பட்டதாக சுகாதார அமைச்சின் தொற்றுநோயியல் பிரிவு
அறிவித்துள்ளது.

இலங்கையில் தடுப்பூசி நடவடிக்கை தொடங்கியதில் இருந்து இதுவரை முதல் டோஸ்
தடுப்பூசி 10,986,524 பேருக்கும் 2,778,714 பேருக்கும் முழுமையாகவும்
தடுப்பூசி செலுத்தப்பட்டுள்ளது.