யாழ்ப்பாணம் மாவட்டத்தில் இன்று சில இடங்களில் எரிவாயு விநியோகம் மேற்கொள்ளப்பட்டது. மட்டுப்படுத்தப்பட்ட அளவிலேயே எரிவாயு விநியோகம் நடந்தபோதும், பெரும் எண்ணிக்கையான மக்கள் எரிவாயுவுக்காக வரிசைகளில் காத்திருந்தனர்.
நாடு முழுவதும் தற்போது எரிவாயு சிலிண்டர்களைப் பெற்றுக்கொள்வதில் மக்கள் பெரும் சிரமங்களை எதிர்கொண்டுள்ளனர். நாளாந்தம் எரிவாயுவுக்காக வரிசைகளில் காத்திருக்கும் மக்கள் தினமும் ஏமாற்றத்துடன் திரும்புகின்றனர்.
தற்போது இலங்கைக்கு எரிவாயு கப்பல்கள் சில வந்துள்ள நிலையில், எரிவாயு விநியோகம் ஆரம்பிக்கப்பட்டுள்ளது. ஆயினும் மட்டுப்படுத்தப்பட்ட அளவிலேயே எரிவாயு சிலிண்டர் விநியோகம் மேற்கொள்ளப்படுகின்றது.
நீண்ட இடைவெளிக்குப் பின்னர் யாழ்ப்பாணம் மாவட்டத்தில் இன்று எரிவாயு சிலிண்டர் விநியோகம் நடைபெற்றது. அந்த இடங்களில் மக்கள் பெரும் எண்ணிக்கையில் கூடியமையால், போக்குவரத்து நெரிசல் ஏற்பட்டது. பொலிஸாரும், சிறப்பு அதிரடிப்படையினரும் மக்கள் கூட்டத்தைக் கட்டுப்படுத்த நடவடிக்கை எடுத்தனர்.
Discussion about this post