எரிபொருள் விலை தொடர்பாக அறிமுகம் செய்யப்பட்டுள்ள விலைச் சூத்திரத்துக்கு அமைய எரிபொருள் விலைகளில் எதிர்வரும் 24ஆம் திகதி மாற்றம் செய்யப்படும் என்று மின்சக்தி மற்றும் எரிசக்தி அமைச்சின் செயலாளர் எம்.பி.டி.யு.கே.மாபா பத்திரன தெரிவித்தார்.
எரிபொருள் விலைச் சூத்திரத்துக்கு அமைய எரிபொருள் விலைகளில் அதிகரிப்போ, குறைவோ ஏற்படும் என்று அவர் குறிப்பிட்டுள்ளார்.
உலக சந்தையின் எண்ணெய் விலைகள் உட்பட பல காரணிகளை மீளாய்வு செய்ததன் பின்னர் , 15 நாள்களுக்கு ஒரு முறை அல்லது மாதாந்தம் விலைச் சூத்திரத்துக்கு அமைய, எரிபொருள் விலைகள் மாற்றியமைக்கப்படும் என்றும் அவர் தெரிவித்துள்ளார்.
அதேவேளை, உலக சந்தையில் தற்போது மசகு எண்ணெயின் விலைகள் உயர்ந்துள்ளன. இந்த விலை உயர்வு முன்னெப்போதும் இல்லாத அளவில் உள்ளது என்று சர்வதேசத் தகவல்கள் கூறுகின்றன.
Discussion about this post