உலகில் மிக வேகமாக பரவும் கொவிட் ஓமிக்ரோன் திரிபு கொழும்பில் பரவ ஆரம்பித்துள்ளது என்று ஸ்ரீ ஜயவர்தனபுர பல்கலைக்கழகத்தின் தொற்று நோயியல் பிரிவின் பேராசிரியர் சந்திம ஜீவந்தர தெரிவித்தார்.
புதிய வகை மாறுபாடு முதன்முறையாக இலங்கையில் அடையாளம் காணப்பட்டுள்ளது என்று தெரிவித்த அவர், இந்த பிரள்வு காரணமாக அதிகளவான தொற்றாளர்கள் அடையாளம் காணப்படலாம் என்று சுட்டிக்காட்டினார்.
கடந்த சில காலமாக உலகம் முழுவதும் கொவிட் அலையை உருவாக்குவதில் இந்த திரிபு வெற்றியடைந்துள்ளது என்று தெரிவித்த பேராசிரியர், ஸ்ரீ ஜயவர்தனபுர பல்கலைக்கழகத்தினால் மேற்கொள்ளப்பட்ட சமீபத்திய மரபணு பகுப்பாய்வில் இந்த ஒமிக்ரோன் துணை வகை இலங்கையில் பரவி வருவது கண்டறியப்பட்டுள்ளது என்றார்.
இங்கு இருக்கும் பிறழ்வுகள் காரணமாக நடத்தை பெரும்பாலும் டெல்டா வகையைப் போலவே இருப்பதால் அறிகுறிகளின் தீவிரம் அதிகரிக்கும் என்று உலக விஞ்ஞானிகள் காட்டியுள்ளனர் என்று பேராசிரியர் ஜீவந்தரா குறிப்பிட்டார்.
Discussion about this post