தனக்கு உணவளித்தவர் உயிரிழந்த நிலையில், அவரது இறுதி நிகழ்வில் குரங்கொன்று கண்ணீருடன் அஞ்சலி செலுத்தியுள்ளது. இந்தச் சம்பவம் மட்டக்களப்பு, தாளங்குடாவில் நடந்துள்ளது.
தாளங்குடா பிரதேசத்தினைச் சேர்ந்த 56 வயதுடைய பீதாம்பரம் ராஜன் என்பவர் கடந்த திங்கட்கிழழை உயிரிழந்துள்ளார். இவர் காட்டிலிருந்து வந்த குரங்கு ஒன்றுக்குத் தினமும் பிஸ்கட் வழங்குவது வழமை.
பீதாம்பரம் ராஜன் உயிரிந்த நிலையில், அவரது உடல் வீட்டில் வைக்கப்பட்டு இறுதி நிகழ்வு நடைபெற்றது. தனக்கு உணவளித்து வந்தவர் படுத்திருப்பதை பார்த்த குரங்கு அவரின் பக்கம் சென்று அவருக்கு சுவாசம் உள்ளதா என பரிசோதித்ததுடன், அவரின் கையை பிடித்து இழுத்து அவரை எழுப்ப பல முயற்சிகளை செய்தது.
அது கைகூடாத நிலையில் குரங்கு கண்ணீர் சிந்தியதுடன், அவரை முத்தமிட்டு அஞ்சலி செலுத்தியுள்ளது. இந்தச் சம்பவம் அங்கிருந்த பலரின் கண்களில் கண்ணீரை வரவழைத்தது.
Discussion about this post