உக்ரைன் படைகளின் முன்னேற்றம் இடம்பெயரும் ரஷ்ய மக்கள்- வலுக்கும் பதற்றம்

ரஷ்யாவின்(russia) குர்ஸ்க் பிராந்தியத்தில் உக்ரைன் படைகள் முன்னேறிவரும் நிலையில் அப்பகுதிகளில் இருந்து சுமார் ஒரு இலட்சம் மக்கள் வெளியேறியுள்ளதாக தகவல்கள் தெரிவிக்கின்றன.

பதற்ற நிலைமையை அடுத்து குர்ஸ்க் பிராந்தியத்திலும் அதைச் சுற்றியுள்ள பகுதிகளிலும் வசிக்கும் மக்களை ரஷ்ய அதிகாரிகள் தொடர்ந்து வெளியேற்றி வருகின்றனர்.

சொந்த விருப்பத்தின் பேரில் வெளியேற்றம்

செவ்வாய்கிழமை காலை, மக்கள் முதன்முறையாக போல்ஷெசோல்டாட்ஸ்கி மாவட்டத்திலிருந்து வெளியேறத் தொடங்கினர், பிராந்தியத் தலைவர் விளாடிமிர் ஜைட்சேவ், அனைவரும் தங்கள் சொந்த விருப்பத்தின் பேரில் வெளியேறினர் என்றும் திங்கள்கிழமை வரை அவரது பிராந்தியத்தில் வெளியேற்ற கோரிக்கைகள் எதுவும் இல்லை என்றும் குறிப்பிட்டார்.

பெலோவ்ஸ்கி மாவட்டத்தின் தலைவர் நிகோலாய் வோலோபுயேவ், திங்களன்று அருகிலுள்ள பெலோவ்ஸ்கி மாவட்டத்தை விட்டு வெளியேறிய நிலையில், நிலைமை “மிகவும் மோசமானது” என்று விவரித்து, வெளியேற்றும் முயற்சிகளை விரிவுபடுத்தினார்.

ரஷ்ய பிராந்தியத்தை கைப்பற்றுவது நோக்கமல்லதிங்களன்று பேசிய குர்ஸ்க் பிராந்தியத்தின் செயல் ஆளுநர் அலெக்ஸி ஸ்மிர்னோவ், சுமார் 121,000 பேர் தங்கள் வீடுகளில் இருந்து வெளியேற்றப்பட்டதாகக் கூறினார்.

இதேவேளை உக்ரைன் குர்ஸ்க் பிராந்தியத்தில் “பிரதேசத்தை கைப்பற்றுவதில்” ஆர்வம் காட்டவில்லை, ரஷ்யா சமாதானத்திற்கு ஒப்புக் கொள்ளும்போது அதன் தாக்குதல் நிறுத்தப்படும் என்று உக்ரைன் வெளியுறவு அமைச்சு தெரிவித்துள்ளது.