இலங்கை மின்சார சபையின் தலைவர் நெருக்கடிக்கு மத்தியில் இராஜினாமா

நாட்டில் மின்சார வழங்கலிற்கு பெரும்ம நெருக்கடி ஏற்பட்டுள்ள நிலையில்,
இலங்கை மின்சார சபையின் தலைவர் எம்.எம்.சி. பேர்டினண்டோ பதவியை இராஜினாமா செய்வதாக
அறிவித்துள்ளார்.

இதன் படி, வரும் முதலாம் திகதி தொடக்கம் தான் இராஜினாமா செய்வதாக
ஜனாதிபதி கோட்டாபய ராஜபக்ஷவுக்கு அவர் கடிதம் அனுப்பியுள்ளார்.

மின்சார சபையின் தலைவராக பல தடவைகள் பதவி வகித்த
எம்.எம்.சி.பேர்டினாண்டோ, அமெரிக்க நிறுவனத்துக்கு யுகதனவி மின் உற்பத்தி நிலையத்தின்
அரசாங்கத்திற்கு சொந்தமான பங்குகளை மாற்றுவதற்கான ஒப்பந்தத்தில் கைச்சாத்திட்டதையடுத்து, பெரும் சர்ச்சைக்கு
உள்ளானார்.

இதற்கு மின் பொறியாளர்கள் மற்றும் ஏனைய ஊழியர்கள் கடும் எதிர்ப்பு
தெரிவித்தனர்