இலங்கை கடற்படைத் தளபதியை சந்தித்த லெப்டினன்ட் கர்னல் ஹான் ஜொங்ஹூன்

இந்தியாவின் (India) புது டெல்லியில் உள்ள கொரிய குடியரசின் தூதரகத்தின் (Embassy of the Republic of Korea) புதிய பாதுகாப்பு ஆலோசகர் லெப்டினன்ட், கர்னல் ஹான் ஜொங்ஹூன் (Han Jonghoon) இலங்கை கடற்படைத் தளபதி வைஸ் அட்மிரல் பிரியந்த பெரேராவை (Priyantha Perera) சந்தித்துள்ளார்.

குறித்த சந்திப்பானது, கடற்படைத் தலைமையகத்தில் நேற்று (06) இடம்பெற்றுள்ளது.

லெப்டினன்ட் கர்னல் ஹான் ஜொங்ஹுன், இந்தியாவின் புது டில்லியில் உள்ள கொரிய குடியரசின் தூதரகத்தின் கீழ் இந்தியா, இலங்கை மற்றும் நேபாளத்தில் உள்ள கொரிய குடியரசின் பாதுகாப்பு ஆலோசகராக கடமையாற்றுகிறார்

முக்கியத்துவம் வாய்ந்த விடயங்கள்

இதன்படி, இந்த உத்தியோகபூர்வ சந்திப்பில், கடற்படைத் தளபதி மற்றும் கொரிய குடியரசின் பாதுகாப்பு ஆலோசகருக்கும் இடையில் இருதரப்பு முக்கியத்துவம் வாய்ந்த விடயங்கள் தொடர்பில் சுமுகமான கலந்துரையாடல் இடம்பெற்றுள்ளது.

மேலும், இந்த உத்தியோகபூர்வ சந்திப்பைக் குறிக்கும் வகையில் இரு தரப்பினருக்கும் இடையில் நினைவுப் பரிசுகளும் பரிமாறப்பட்டுள்ளதாக தெரிவிக்கப்படுகிறது.