600 அத்தியாவசியமற்ற இறக்குமதிகளை இடைநிறுத்துவதற்கான வர்த்தமானியை அரசாங்கம் இன்றிரவு (2) வெளியிடவுள்ளது என்று எரிசக்தி அமைச்சர் உதய கம்மன்பில தெரிவித்தார்.

வெளிநாட்டு கையிருப்பு குறைவாக இருக்கும்போது, அவை மருந்துகள், எரிபொருள் மற்றும் தொழிற்சாலைகளுக்கான மூலப்பொருள்கள் இறக்குமதிக்கு ஒதுக்கப்பட வேண்டும் என்றும் அமைச்சர் சுட்டிக்காட்டியுள்ளார்.

கோட்டேயில் இடம்பெற்ற நிகழ்வொன்றில் கலந்து கொண்டு உரையாற்றிய போதே அமைச்சர் இந்தத் தகவல்களைத் தெரிவித்தார்.

நாட்டுக்கு அத்தியாவசியமற்ற 600 பொருள்களின் இறக்குமதிகளை நிறுத்தும் வர்த்தமானியை வெளியிட திறைசேரி செயலாளர் தயாராகி வருகின்றார் என்று அமைச்சர் கூறியுள்ளார்.

இந்த தீர்மானம் எடுப்பதில் காலதாமதம் ஆனாலும், இந்த முடிவு தொடர்பாக நாம் அனைவரும் மகிழ்ச்சியடைலாம் எனவும் அமைச்சர் உதய கம்மன்பில தெரிவித்துள்ளார்.