இலங்கையில் பதற்றத்தை ஏற்படுத்திய மர்ம பை! – வெளிவந்த உண்மைத் தகவல்!!

ஹட்டன் பிரதான பேருந்து நிலையத்தில் சந்தேகத்துக்கிடமான பெரிய பயணப்பை ஒன்று கண்டெடுக்கப்பட்டதை அடுத்து ஹட்டன் நகரில் நேற்று வெடிகுண்டு பீதி ஏற்பட்டது.

நேற்றுமுன்தினம் மாலை இந்த இடத்தில் பெரிய கறுப்பு நிறப் பயணப்பை ஒன்று காணப்பட்டது. அதில் வெடிபொருட்கள் இருக்கலாம் என சந்தேகம் எழுந்ததையடுத்து, சந்தேகத்துக்கிடமான பையை அட்டன் பொலிஸ் நிலையத்துக்கு கொண்டு வந்தபோது, ​​அந்தப் பையில் ஆடைகள் இருப்பது கண்டுபிடிக்கப்பட்டது.

இவ்விடயம் தொடர்பில் கருத்து தெரிவித்த ஹட்டன் பொலிஸ் அதிகாரியொருவர், இந்த ஆடையைப் பரிசோதித்த போது குறித்த ஆடையின் உரிமையாளரின் தேசிய அடையாள அட்டை மற்றும் தொலைபேசி இலக்கங்களும் காணப்பட்டதாகத் தெரிவித்தார்.

அதன்படி, குறித்த தொலைபேசி இலக்கத்துக்கு அழைக்கப்பட்ட போது, ​​வாகனத்தின் உரிமையாளர் என கூறிக்கொண்ட நபர், பயணப்பையை மறந்துவிட்டு கொழும்பு செல்லும் பேருந்தில் வெல்லம்பிட்டி நோக்கிப் பயணிப்பதாக தெரிவித்ததையடுத்து குறித்த நபரை பேருந்தில் இருந்து இறங்கி ஹட்டன் பொலிஸுக்கு வருமாறு பொலிஸாரால் அறிவுறுத்தப்பட்டது.