இலங்கையில் ஒரு கோடி ரூபாயை எட்டிய கார்களின் விலை!

இலங்கையில் கடும் பொருளாதார நெருக்கடி நிலவி வரும் நிலையில் வாகனங்களின் விலை தலை சுற்றவைத்துள்ளது.

நாட்டின் அத்தியாவசிய பொருட்களுக்கு கூட தட்டுப்பாடு ஏற்பட்டு, விலை கடுமையாக உயர்ந்துள்ளது.

இந்நிலையில் கார்களின் விற்பனை விலையும் தற்போது உச்சம் தொட்டுள்ளது.

இதன்படி இலங்கையில் புதிய வாகனங்களுக்கு தட்டுப்பாடு ஏற்பட்டு 3 லட்சம் ரூபாய்க்கு விற்கப்பட்ட சாதாரண ஸ்கூட்டர், மோட்டார் சைக்கிளின் விலை தற்போது 8 லட்சம் ரூபாய்க்கு விற்பனை செய்யப்படுகிறது.

அதேபோல முன்னணி கார்களின் விலையும் நாளுக்கு நாள் அதிகரித்த வண்ணம் உள்ளது.

அதற்கமைய, முன்னணி கார்களின் விலையும் 60 முதல் ஒரு கோடி ரூபாய் வரையிலான விலை விற்பனை ஆகிறது.

இதற்கு வாகன இறக்குமதி குறைவும், பண வீக்கமும் முக்கிய காரணமாக கூறப்படுகிறது.

இதனால் இருசக்கர வாகனம் மற்றும் கார்களின் விலை மேலும் அதிகரிக்க வாய்ப்புள்ளதாக தகவல் வெளியாகியுள்ளது.