இலங்கையில் எரிவாயு சிலிண்டர் விலை குறைப்பு?

உலக சந்தையில் நிலவும் விலை ஏற்ற இறக்கங்களுக்கு ஏற்ப, நவம்பர் முதல் வாரத்துக்குள் எரிவாயுவின் விலை மேலும் குறையும் வாய்ப்பு உள்ளது என்று லிட்ரோ எரிவாயு நிறுவனத்தின் தலைவர் முதித பீரிஸ் தெரிவித்துள்ளார்.

இது தொடர்பில் அவர் தெரிவித்துள்ளதாவது, அண்மையிலும் சந்தை நிலைமைக்கு ஏற்ப லிட்ரோவின் விலை குறைக்கப்பட்டது.

இதுவரை பெற்ற கடன்களுக்காக லிட்ரோ எரிவாயு நிறுவனம் மேலும் 7.5 பில்லியன் ரூபாவை திறைசேரிக்கு மீளச் செலுத்தியுள்ளது.

செப்ரெம்பரில் லிட்ரோ நிறுவனம் 6.5 பில்லியன் ரூபாய்களை செலுத்தியுள்ளது. இந்த நிலையில் ஒக்ரோபர் மாதத்துக்குள் செலுத்தவேண்டிய 7.5 பில்லியன் ரூபாவே, கடந்த வெள்ளிக்கிழமை செலுத்தப்பட்டது என்றார்.