இலங்கையில் எரிபொருள் நிலையத்தில் ஏற்பட்ட பரபரப்பு! -பலர் மீது கத்திக் குத்து!!

வெல்லவாய எரிபொருள் நிரப்பு நிலையத்தில் நேற்றிரவு இடம்பெற்ற மோதல் சம்பவத்தில் பரபரப்பான சூழல் ஒன்று ஏற்பட்டுள்ளது.

வரிசையில் நின்றவர்களுக்கு இடையே ஏற்பட்ட வாக்குவாதம் காரணமாக, வரிசைக்கு அருகே நின்றிருந்த 4 பேரை ஒருவர் கத்தியால் குத்தியுள்ளார்.

இதன்போது, 4 பேர் காயமடைந்துள்ள நிலையில் வைத்திசாலையில் அனுமதிக்கப்பட்டுள்ளதாக பொலிஸ் ஊடக பிரிவு தெரிவித்துள்ளது.

காயமடைந்தவர்கள் வெல்லவாய ஆதார வைத்தியசாலையில் அனுமதிக்கப்பட்டுள்ளனர்.

சம்பவத்தில் படுகாயமடைந்த நபரொருவர் மொனராகலை வைத்தியசாலைக்கு மாற்றப்பட்டுள்ளார்.

சம்பவம் தொடர்பில் வெல்லவாய பொலிஸார் மேலதிக விசாரணைகளை மேற்கொண்டு வருகின்றனர்.