இன்றைய ராசிபலன் ஆகஸ்ட் 24, 2023, சோபகிருது வருடம் ஆவணி 7 வியாழக்கிழமை. சந்திரன் விருச்சிக ராசியில் அனுஷம் நட்சத்திரத்தில் சஞ்சரிக்கிறார். இன்று சித்த யோகம் உள்ள நாள்.
மேஷ ராசி
மேஷ ராசியினருக்கு நாள் முழுவதும் சந்திராஷ்டம தினம். அஸ்வினி, பரணி நட்சத்திரத்திற்கு சந்திராஷ்டமம் உள்ளது. அதனால் எந்த வேலையை நீங்கள் செய்ய முயன்றாலும் யோசித்தும், திட்டமிட்டும் செயல்படுவது நல்லது. உங்கள் மனைவியின் ஆரோக்கியத்தில் சரிவு ஏற்படும். வீட்டின் சூழ்நிலை மோசமாக இருக்கலாம். பணியிடத்திலும் சில மாற்றங்கள் இருக்கும், உங்கள் சக ஊழியர்களின் மனநிலையை கெடுக்கலாம்.
தேய்பிறை அஷ்டமியான இன்று பைரவருக்கு தீபம் ஏற்றி வழிபடவும்.
ரிஷபம்
ரிஷப ராசி நேயர்களுக்கு இன்று நாள் முழுவதும் அலைச்சல் அதிகமாகவும், மனதிற்கு நிறைவைத் தரக்கூடிய நாளாக இருக்கும். வண்டி, வாகனங்கள் வாங்குவது, விற்பது தொடர்பான முடிவுகளை எடுக்கலாம். உங்கள் பெற்றோரின் ஆரோக்கியத்தில் கவனமாக இருக்க வேண்டும். மேலும் வெளியில் சாப்பிடுவதையும் குடிப்பதையும் தவிர்க்கவும். வியாபாரம் தொடர்பாக சில பயணங்களைச் செய்ய வேண்டியிருக்கும்.
மிதுனம்
மிதுன ராசி நேயர்களுக்கு இன்றைய நாள் மனதிற்கு நிறைவான நாளாக இருக்கும். சந்திர பகவானின் சஞ்சாரம் ராசிக்கு 6ம் இடத்தில் இருப்பதால் தன லாபங்கள் அதிகரிக்கும். சிலருக்கு சுப லாபங்களும், நல்ல செய்தி, சுப விரயங்களும் காத்திருக்கிறது.
மிருகசிரீஷம் நட்சத்திரக்காரர்கள் முருகப்பெருமானுக்கு தீபம் ஏற்றி வழிபடவும். இன்று உங்கள் வாழ்க்கைத் துணையின் முழு ஆதரவைப் பெறுவீர்கள். மாலையில் வாகனத்தில் செல்லும்போது கவனமாக இருக்க வேண்டும். வியாபாரத்தில் பண லாபம் கிடைக்க வாய்ப்பு உள்ளது. இன்று பணியிடத்தில் அதிக வேலைப்பளு இருக்கும்.
கடகம்
கடக ராசி நேயர்களுக்கு இன்றைய நாள் மனதிற்கு நிறைவான நாளாக இருக்கும். பிரிந்த குடும்பங்கள் ஒன்று சேரும். பல மாதங்களுக்கு பிறகு வியாபாரத்தில் நல்ல மாற்றங்களும், புதிய ஒப்பந்தங்கள் கையெழுத்திடுவது தொடர்பான பேச்சுவார்த்தைகள் மனதிற்கு திருப்திகரமாக இருக்கும்.
மாலை நேரத்திற்கு பிறகு முக்கிய முடிவுகளை எடுக்கலாம். பிள்ளைகளின் திருமணத்தில் இருந்த தடை நீங்கும். பொருளாதார நிலை வலுவடையும். அவசரப்பட்டு உணர்ச்சிவசப்பட்டு முடிவுகளை எடுக்காதீர்கள். உங்கள் தேவையும் நற்பெயரும் கூடும்.
இன்று தேய்பிறை அஷ்டமி பைரவருக்கு தீபம் ஏற்றி வழிபடுவதால், சனி பகவானால் ஏற்படக்கூடிய தோஷங்கள் தீரும்.
சிம்மம்
சிம்ம ராசி நேயர்களுக்கு இன்றைய நாள் உற்சாகமான நாளாக இருக்கும். சில நல்ல செய்திகள் வந்து சேரும். குழந்தை பாக்கியம் எதிர்பார்த்துப் பல நாட்களாக காத்திருப்பவர்களுக்கு நல்ல தகவல் கிடைக்கும். வெளியூர், வெளிநாடு மூலம் நல்ல செய்திகள் கிடைக்கும்.
வீட்டின் பெரியோர்களின் ஆசியுடன் இன்று வெற்றி பெறுவீர்கள். தொழில் துறை மேம்படும், புதிய வாய்ப்புகள் கிடைக்கும். மனம் மகிழ்ச்சியாக இருக்கும்.
வேலை சம்பந்தப்பட்ட விசயங்களில் நல்ல பெயர் கிடைக்கும். அரசு தொடர்பான விஷயங்களில் கவனம் தேவை.
கன்னி
கன்னி ராசி நேயர்களுக்கு இன்றைய நாள் கடன் பிரச்னைகளைத் தீர்க்கக்கூடிய வாய்ப்புகள் கிடைக்கும். இன்று லட்சுமி, குபேரர் வழிபாடு செய்வது நல்லது. நிதி விஷயங்களில் முன்னேற்றமும், நாள் முழுவதும் மன நிறைவு கிடைக்கும்.
பல நாட்களாக இழுபறியாக இருந்த வழக்கு, விசாரணைகளில் உங்களுக்கு சாதக பலன்கள் கிடைக்கும்.தேவையற்ற செலவுகளை தவிர்க்க வேண்டும். வாழ்க்கைத் துணையின் ஒத்துழைப்பு இன்று வாழ்க்கையில் சிரமங்களில் இருந்து விடுபட உதவும்.
துலாம்
துலாம் ராசி நேயர்களுக்கு இன்று நண்பர்களால் உதவி கிடைக்கும். பணம் கொடுக்கல், வாங்கல் மற்றும் பணம் சார்ந்த பிரச்னைகள் தீரும். இன்று பல நாட்களாக இருந்த வந்த குடும்ப பிரச்னைகள் நண்பர்களின் உதவியால் தீர்வு கிடைக்கும். புதிய வேலை, திட்டங்களில் ஈடுபட வேண்டாம். இன்று நீங்கள் சமூகப் பணிகளில் சுறுசுறுப்பாகப் பங்கேற்பீர்கள், இது உங்களுக்கு பாராட்டுக்களைப் பெற்றுத் தரும். மேலும் சில புதிய நண்பர்களையும் பெறுவீர்கள்.
இன்று பைரவருக்கு அரளி மாலை சாற்றி வழிபடவும்.
விருச்சிகம்
விருச்சிக ராசி நேயர்களுக்கு இன்று மன சந்தோஷங்கள் கிடைக்கக்கூடிய நாளாக அமையும். பல நாட்களாக இருந்து வந்த குழப்பங்கள் தீர்வதற்கான வாய்ப்புகள் கிடைக்கும். உங்கள் ராசியிலேயே சந்திர பகவான் சஞ்சாரம் செய்வதால், உங்களுக்கு காலை வேளையில் மன கிலேசம் ஏற்படும்.
நண்பர்களின் உதவியால் இன்றைய நால் நல்ல நாளாக அமையும்.இன்று வியாபாரத்திற்காக நீங்கள் எடுக்கும் எந்த முடிவும் யாருடைய அழுத்தத்திற்கும் ஆளாகாதீர்கள். நிலுவையில் இருந்த சில வேலைகள் முடிவடையும். அதனால் உங்கள் மனம் மகிழ்ச்சியாக இருக்கும். பேச்சில் நிதானத்தைக் கடைப்பிடிக்க வேண்டும்.
தனுசு
தனுசு ராசி நேயர்களுக்கு இன்றைய நாள் மனதிற்கு திருப்தியான நாளாக இருக்கும். பிரிந்த குடும்பங்கள் ஒன்று சேரும். கணவன் மனைவி இடையே ஒற்றுமை மேலோங்கும். இன்று தனுசு ராசியினருக்கு காலை வேளையில் நல்ல செய்திகள் வந்து சேரும்.
நீண்ட நாட்களுக்கு பிறகு நீங்கள் சந்திக்கும் நபர்கள் மூலம் சுப செய்திகள் கிடைக்கும். இன்று பணியிடத்தில் உங்களுக்குக் கீழ் பணிபுரியும் ஊழியர்களால் சில டென்ஷன்கள் அதிகரிக்கும். நண்பருக்கு கொஞ்சம் பணம் ஏற்பாடு செய்ய வேண்டியிருக்கும்.
மகரம்
மகர ராசி நேயர்களுக்கு இன்று சனி வக்கிரத்தால் நற்பலன்கள் பெறுவார்கள். நீண்ட நாட்களாக இருந்துவந்த மன கவலை தீரும். பிரிந்து இருந்த சொந்தங்கள் ஒன்று கூடக்கூடிய வாய்ப்புகள் உள்ளது. இன்று உங்களின் எண்ணங்கள் நிறைவேறக்கூடிய நாளாக இருக்கும். ஆஞ்சநேயர் வழிபாடு செயது நல்லது.இன்று நீங்கள் வாகனத்தைப் பயன்படுத்தும்போது கவனமாக இருக்க வேண்டும். பொருளாதார நிலை வலுவாக இருக்கும். உத்தியோகத்தில் பதவி உயர்வு கிடைக்கும்.
கும்ப ராசி
கும்ப ராசி நேயர்களுக்கு நாள் முழுவதும் நல்ல உற்சாகம் தரக்கூடிய நாளாக அமைகிறது. கணவன் மனைவி இடையே இருந்த கருத்து வேறுபாடுகள் தீரும். வழக்குகள், விசாரணை போன்ற விஷயங்களின் இன்று ஒத்திப் போடலாம். 10ம் இடத்தில் சந்திரன் இருப்பதால் உங்களின் வேலை, வியாபாரத்தில் நல்ல பலன்களை பெறுவீர்கள்.
இருசக்கர வாகனத்தில் செல்லும் போது கவனம் தேவை. அலைச்சல்கள் அதிகமாக இருக்கும். நீங்கள் நீண்ட நாட்களாக எதிர்பார்த்துக் கொண்டிருந்த பிள்ளைகள் மூலம் இன்று சில நல்ல செய்திகளைக் கேட்கலாம் பணியிடத்தில் ஒரு பெண் துணையால் நீங்கள் சிக்கலில் சிக்கலாம். காதல் வாழ்க்கைக்கு நல்ல நாள்.விநாயகருக்கு பாலபிஷேகம் செய்வதால் எடுத்த காரியத்தில் வெற்றி கிடைக்கும்.
மீனம்
மீன ராசி நேயர்களுக்கு இன்று நாள் முழுவதும் சாதகமான நாளாக இருக்கும். இன்று பயணங்கள் நல்ல வெற்றியும், அனுகூலமும் தரும். கணவன் மனைவி ஒற்றுமை சிறப்பாக இருக்கும். சந்திரன் பாக்கிய ஸ்தானத்தில் அமைந்திருப்பதால் கவலைகள் தீர்ந்து, மன மகிழ்ச்சி தரக்கூடிய நாளாக இருக்கும்.
பைரவர் வழிபாடு செய்வதால் எதிரிகளின் தொல்லை நீங்கும். தொழிலில் முன்னேற்றம் கண்டு மனம் மகிழ்வீர்கள். பெற்றோரின் அறிவுரை உங்களுக்கு பயனுள்ளதாக இருக்கும்.
Discussion about this post