யாழ்ப்பாணம், மாவிட்டபுரம் ரயில் கடவையில் ரயிலுடன் மோதி ஒருவர் உயிரிழந்துள்ளார்.
இந்த விபத்து இன்று (26) நண்பகல் 12 மணியளவில் நடந்துள்ளது. காங்கேசன்துறையில் இருந்து கொழும்பு நோக்கிப் பயணித்த கடுகதி ரயிலுடன் மோதியே இவர் விபத்துக்குள்ளாகியுள்ளார்.
விபத்தில் பண்டத்தரிப்பு, சாந்தையைச் சேர்ந்த சதாசிவம் சசிக்குமார் என்ற 46 வயதுடையவரே உயிரிழந்துள்ளார்.
மோட்டார் சைக்கிளில் விறகு கட்டியவாறு பயணித்த இவர் ரயில் கடவையைக் கடக்க முயன்றபோதே விபத்து நடந்துள்ளது.
இந்தச் சம்பவம் தொடர்பாக காங்கேசன்துறைப் பொலிஸார் விசாரணைகளை முன்னெடுத்துள்ளனர்.
அதேவேளை, நேற்றுமுன்தினம் யாழ்ப்பாணம் கொக்குவில் பகுதியில் நடந்த ரயில் விபத்தில் 18 வயது யுவதி ஒருவர் உயிரிழந்திருந்தார்.
Discussion about this post