முஷாரப் எம்.பிக்கு பணம் கொடுத்து உரையாற்றுமாறு கூறிய சாணக்கியன்!! – நாடாளுமன்றத்தில் அமளிதுமளி!!

இன்று காலை நாடாளுமன்ற அமர்வுகள் நடைபெற்றுவரும் நிலையில், நாடாளுமன்றத்தில் உரையாற்றிய ஆளும்கட்சி நாடாளுமன்ற உறுப்பினர் முஷாரப்புக்கு, தமிழ்த் தேசியக் கூட்டமைப்பின் நாடாளுமன்ற உறுப்பினர் இரா.சாணக்கியன் 5 ஆயிரம் ரூபாவைக் கொடுத்தார். அதனால் நாடாளுமன்றத்தில் அமளிதுமளி ஏற்பட்டது.

நாடாளுமன்றத்தில் அரசாங்கத்துக்கு இதுவரை ஆதரவளித்து வந்த அரசியல் கட்சித் தலைவர்கள் சுயாதீனமாக செயற்படுவுள்ளதாக அறிவித்த பின்னர், நாட்டின் நிலைமை தொடர்பாகவும் அரசியல் கட்சிகளின் செயற்பாடுகள் தொடர்பாகவும் ஆளும்கட்சி நாடாளுமன்ற உறுப்பினர் முஷாரப் அரசாங்கத்துக்கு ஆதரவாக உரையாற்றினார்.

அவர் முன் சென்ற நாடாளுமன்ற உறுப்பினர் சாணக்கியன், 5 ஆயிரம் ருபா பணத்தாளைக் கொடுத்து அதைப் பெற்றுக்கொண்டு உரையாற்றுமாறு சைகை செய்தார். அதையடுத்து நாடாளுமன்றத்தில் அமளிதுமளி ஏற்பட்டது.

நாடாளுமன்ற உறுப்பினர் சாணக்கியனின் செயற்பாட்டுக்கு ஆளும் கட்சி உறுப்பினர்கள் எதிர்ப்பை வெளியிட்டனர்.