பெற்றோல் நிரப்புவதற்காக வரிசையில் காத்திருந்த 19 வயது இளைஞர் ஒருவர் விபத்தில் சிக்கி உயிரிழந்துள்ளார்.
இலங்கையில் எரிபொருள் தட்டுப்பாடு தீவிரம் பெற்றுள்ள நிலையில், எரிபொருளைப் பெறுவதற்காக மக்கள் நீண்ட வரிசைகளில் காத்திருக்கின்றனர்.
எரிபொருள் வரிசையில் காத்திருந்த பலர், பல்வேறு சந்தர்ப்பங்களில் உயிரிழந்திருந்த நிலையில், எரிபொருள் வரிசையுடன் தொடர்புடைய 16 ஆவது உயிரிழப்பு இதுவாகும்.
அநுராதபுரம், பந்துலகம எரிபொருள் நிரப்பு நிலையத்துக்கு அருகில் வரிசையில் காத்திருந்த இளைஞரே விபத்தில் சிக்கியுள்ளார்.
கனரக உபகரணங்களை ஏற்றிய லொறி ஒன்று இளைஞரை மோதியது என்றும், இளைஞர் சம்பவ இடத்திலேயே உயிரிழந்தார் என்றும் பொலிஸார் தெரிவித்தனர்.
Discussion about this post