இலங்கை கிரிக்கெட் வீரர் தனுஷ்க குணதிலக்க அவுஸ்திரேலியாவின் சிட்னி நகரில் கைது செய்யப்பட்டுள்ளார். பாலியல் குற்றச்சாட்டு தொடர்பிலேயே அவர் கைது செய்யப்பட்டுள்ளார்.
29 வயதான யுவதி ஒருவர் நிவசவூத்வேல்ஸ் பொலிஸில் செய்த முறைப்பாட்டுக்கு அமைய தனுஷ்க குணதிலக்க கைது செய்யப்பட்டுள்ளதாக தெரிவிக்கப்பட்டுள்ளது.
சிட்னி நகரின் சசெக்ஸ் வீதியிலுள்ள ஹோட்டலொன்றில் வைத்து கைது செய்யப்பட்ட தனுஷ்க குணதிலக்க, பொலிஸாரால் தடுத்து வைக்கப்பட்டுள்ளார் என்று சர்வதேச செய்திகளில் குறிப்பிடப்பட்டுள்ளது.
இருபதுக்கு 20 உலகக் கிண்ண கிரிக்கெட் தொடரில் பங்கேற்க சென்ற தனுஷ்க குணதிலக்க, முதல் சுற்று போட்டியிலேயே உபாதைக்குள்ளாகிய காரணத்தால் அவர் தங்கியிருந்த ஹோட்டலிலேயே ஓய்வளிக்கப்பட்டிருந்தது.
அதேவேளை, உபாதைக்குள்ளாகியிருந்த தனுஷ்க குணதிலக்க தொடர்ந்தும் எதற்காக அவுஸ்திரேலியாவில் தங்க வைக்கப்பட்டிருந்தார் என்பது தொடர்பாக விளையாட்டு மற்றும் இளைஞர் விவகார அமைச்சு ஸ்ரீ லங்கா கிரிக்கெட்டிடம் விளக்கம் கோரியுள்ளது.
Discussion about this post