மின்சாரப் பொறியியலாளர் சங்க தலைவர் அனில் ரஞ்சித் இந்துவர, மற்றும் சங்கத்தின் ஏனைய உறுப்பினர்கள் எதிர்வரும் 14 நாள்களுக்கு பணிப்புறக்கணிப்பில் ஈடுபட நீதிமன்றம் தடை உத்தரவு பிறப்பித்துள்ளது.
மின்சாரச் சட்டத்தில் கொண்டுவரப்படவுள்ள புதிய திருத்தங்களுக்கு எதிர்ப்புத் தெரிவித்து இலங்கை மின்சாரசபை பொறியியலாளர்கள் சங்கம் உள்ளிட்ட சில தொழிற்சங்கங்களால் நேற்றுமுன்தினம் நள்ளிரவு ஆரம்பிக்கப்பட்டவிருந்த பணிப்புறக்கணிப்பு தற்காலிகமாக நிறுத்தப்பட்டுள்ளது.
ஜனாதிபதியுடன் நடத்தப்பட்ட பேச்சுக்களை அடுத்தே போராட்டம் ஒத்திவைக்கப்பட்டது என்று கூறப்படுகின்றது.
இந்தநிலையில், பொதுமக்களுக்கு ஏற்படும் இடையூறுகளைக் கருத்திற் கொண்டும், மின் விநியோகத்தை தொடர்ந்து வழங்க வேண்டியதன் அவசியத்தைக் கருத்திற் கொண்டும் நீதிமன்றம் பணிப்புறக்கணிப்பில் ஈடுபடுவதற்கு நேற்றுத் தடை விதித்துள்ளது.
Discussion about this post