நாளை நாடளாவிய ரீதியில் 10 மணி நேர மின்வெட்டு!!

நாடு முழுவதும் சுமார் 10 மணிநேர மின்வெட்டு நடைமுறைப்படுத்தப்படவுள்ளது என்று இலங்கை மின்சார சபை தெரிவித்துள்ளது.

நாளை (30) மின்துண்டிப்பை மேற்கொள்வது தொடர்பில் மின்சார சபை முன்வைத்த கோரிக்கைக்கு இலங்கை பொதுப்பயன்பாட்டு ஆணைக்குழு அனுமதி வழங்கியுள்ளது.

A முதல் L வரையான வலயங்களுக்கு உட்பட்ட பிரதேசங்களுக்கு நாளை காலை 8 மணிமுதல் மாலை 6 மணிவரையான காலப்பகுதியில் 6 மணித்தியாலங்களும், மாலை 6 மணிமுதல் நள்ளிரவு 12 மணிவரையான காலப்பகுதியில் 4 மணித்தியாலமும் மின்துண்டிக்கப்படவுள்ளது.

P முதல் W ஆகிய வலயங்களுக்கு உட்பட்ட பிரதேசங்களுக்கு காலை 8 மணிமுதல் மாலை 6 மணிவரையான காலப்பகுதியில் 6 மணித்தியாலங்களும், மாலை 6 மணி முதல் நள்ளிரவு 12 மணி வரையான காலப்பகுதியினுள் 4 மணித்தியாலங்களும் மின்துண்டிக்கப்படவுள்ளது.