பெரும் நிதி மோசடியில் ஈடுபட்ட குற்றச்சாட்டில் திலினி பிரியமாலினி கைது செய்யப்பட்டுள்ள நிலையில், அவருடன் தொடர்புடையவர்கள் பற்றிய தகவல்கள் நாளுக்கு நாள் வெளியாகிய வண்ணமுள்ளன. நாட்டின் முக்கிய பிரபலங்கள் திலினியுடன் அந்தரங்கத் தொடர்புகளைப் பேணியுள்ளனர் என்று கூறப்படுகின்றது.
திலினி பிரியமாலினியுடன் தொடர்புகளைப் பேணிய குற்றச்சாட்டில் பொரள்ள சிறிசுமன தேரர் குற்றப் புலானாய்வுப் பிரிவினரால் கைது செய்யப்பட்டுள்ளார்.
அதேநேரம் இலங்கையின் பிரபல செல்வந்தர்கள் திலினியுடன் தொடர்புகளைப் பேணியமை விசாரணைகளில் கண்டறியப்பட்டுள்ளது.
அவர்களிடம் விசாரணைகளை முன்னெடுக்கும் நடவடிக்கைகளைக் குற்றப் புலனாய்வுப் பிரிவு ஆரம்பித்துள்ளது. இந்த விசாரணைகளைத் தொடர்ந்து பல திடுக்கிடும் தகவல்கள் வெளியாகலாம் என்று பொலிஸ் உயரதிகாரிகள் தெரிவித்துள்ளனர்.
திகோ குறூப் ப்ரைவட் லிமிடட் நிறுவனத்தின் உரிமையாளர் எனக் கூறப்படும் திலினி பிரியமாலி கோடிக்கணக்கான பணத்தை மோசடி செய்துள்ளார் என்று குற்றஞ்சாட்டப்படுகின்றது.
இவர் தற்போது கைது செய்யப்பட்டு குற்றப் புலனாய்வுப் பிரிவினரால் தடுத்து வைக்கப்பட்டு விசாரணைக்குட்படுத்தப்பட்டு வருகின்றார்.
Discussion about this post