தந்திரத்தைக் கையிலேடுத்த ரணில்! – “கோட்டா கோ கமவுக்கு” அதிர்ச்சி வைத்தியம்!!

“கோட்டா கோ கம” ஆர்ப்பாட்டக்களத்தில் உள்ளவர்களுக்கு உதவிகளை வழங்குவதற்காக 3 பேர் கொண்ட குழுவொன்றை பிரதமர் ரணில் விக்கிரமசிங்க நியமித்துள்ளார்.

கொழும்பு மாநகர மேயர் ரோசி சேனநாயக்க, ருவான் விஜேவர்த்தன மற்றும் பொலிஸ், இராணுவத்தைச் சேர்ந்த குழுவொன்று ரணில் விக்கிரமசிங்கவால் நியமிக்கப்பட்டுள்ளது.

“கோட்டா கோ கம” ஆர்ப்பாட்டக் களத்துக்குத் தேவையான உதவிகளை வழங்குவதற்கு நடவடிக்கைகளை மேற்கொள்ளுமாறு இந்தக் குழுவுக்குப் பிரதமர் பணிப்புரை விடுத்துள்ளார்.

ஆர்ப்பாட்டத்தில் ஈடுபட்டுள்ளவர்கள் முன்வைத்துள்ள நிபந்தனைகள் தொடர்பாக அவர்களுடன் பேச்சு நடத்தத் தயார் என்றும் பிரதமர் தெரிவித்துள்ளார்.

ஆர்ப்பாட்டம் நடைபெறும் பகுதிகளில் எந்த ஒடுக்குமுறையும் நிகழாது என்றும் பிரதமர் உறுதி வழங்கியுள்ளார்.

கொழும்பு காலிமுகத்திடலில் “கோட்டா கோ கம” என்ற போராட்டத்தளம் உருவாக்கப்பட்டு, ஜனாதிபதி கோட்டாபய ராஜபக்ச பதவி விலக வேண்டும் என்று வலியுறுத்தி கடந்த ஒரு மாதத்துக்கும் மேலாகப் போராட்டம் முன்னெடுக்கப்பட்டு வருகின்றது.