எரிபொருளுக்காக வரிசையில் காத்திருந்த தனியார் பஸ்ஸின் கீழ் இளைப்பாறிய பயணி, பஸ் சக்கரம் ஏறி உயிரிழந்துள்ளார்.
இந்தச் சம்பவம் புன்னாலைக்கட்டுவன் எரிபொருள் நிரப்பு நிலையத்தில் நேற்றுமுன்தினம் இரவு 8 மணியளவில் நடந்துள்ளது.
ஊரெழு கிழக்கைச் சேர்ந்த தர்மலிங்கம் சதீஸ் என்ற 37 வயது நபரே உயிரிழந்துள்ளார்.
இவர் வயாவிளான் நோக்கி பஸ்ஸில் பணித்துள்ளார். இவர் பஸ்ஸில் தூங்கியதால் வயாவிளானில் இறங்கவில்லை. பஸ் நடத்துநரும் அதைக் கவனிக்கவில்லை.
பஸ் மீண்டும் யாழ்ப்பாணம் நோக்கிப் புறப்பட்ட நிலையில், புன்னாலைக் கட்டுவனில் உள்ள எரிபொருள் நிரப்பு நிலையத்தில் டீசலுக்காக வரிசையில் நின்றுள்ளது.
பஸ்ஸில் இருந்த அந்தச் சந்தர்ப்பத்தில் கீழே இறங்கி நிலத்தில் அமர்ந்துள்ளார். அதைக் கவனிக்கான சாரதி, பஸ்ஸை நகர்த்தியபோது அவர் சக்கரத்தில் சிக்கி உயிரிழந்துள்ளார்.
அந்த நபர் சம்பவ இடத்திலேயே உயிரிழந்த நிலையில், பஸ் சாரதி தலைமறைவாகியுள்ளார் என்று விசாரணைகளில் தெரிவிக்கப்பட்டது.
இறப்பு விசாரணைகயை யாழ்ப்பாணம் போதனா மருத்துவமனை திடீர் இறப்பு விசாரணை அதிகாரி ந.பிறேமகுமார் மேற்கொண்டார். உடல் கூறாய்வின் பின்னர் உறவினர்களிடம் உடல் ஒப்படைக்கப்படும் என்று தெரிவிக்கப்பட்டது.
Discussion about this post