அரியாலையில் நேற்றிரவு பயங்கரம்!- ரயிலோடு மோதியது கார்!- இளைஞர்கள் இருவர் பலி!

யாழ்ப்பாணம், அரியாலைப் பகுதியில் நேற்று இரவு நடந்த விபத்தில் இருவர் சம்பவ இடத்திலேயே உயிரிழந்துள்ளனர்.

இந்த விபத்து இரவு 7.30 மணியளவில் நடந்துள்ளது. யாழ்ப்பாணம், காங்கேசன்துறையில் இருந்து கொழும்பு நோக்கிச் சென்ற ரயிலும், கார் ஒன்றுமே விபத்துக்குள்ளாகியுள்ளன.

ரயில் கடவையைக் கடப்பதற்கு கார் முயன்றபோதே, ரயிலுடன் மோதி விபத்துக்குள்ளாகியுள்ளது. விபத்தில் உயிரிழந்த இருவரும் தென்னிலங்கையைச் சேர்ந்தவர்கள் என்று தெரியவந்துள்ளது. சதுரங்க ரத்நாயக்க (வயது – 34), மொஹமட் பாயிஸ் (வயது-31) ஆகிய இருவரே உயிரிழந்துள்ளனர்.

விபத்தில் உயிரிழந்தவர்களின் உடல்கள் மீட்கப்பட்டு யாழ்ப்பாணம் போதனா மருத்துவமனையில் ஒப்படைக்கப்பட்டுள்ளன. விபத்துத் தொடர்பான விசாரணைகள் யாழ்ப்பாணம் பொலிஸாரால் முன்னெடுக்கப்பட்டு வருகின்றன.

யாழ்ப்பாணம் போதனா மருத்துவமனையின் திடீர் இறப்பு விசாரணை அதிகாரி ந.பிறேமகுமார் சம்பவ இடத்துக்குச் சென்று விசாரணைகளை முன்னெடுத்தார்.