சமூக ஊடகங்களில் அரசாங்கத்தை விமர்சித்த ரூபவாஹினி ஊடகவியலாளர் பரமி நிலப்த ரணசிங்க அவரது நிகழ்ச்சிகளில் இருந்து நீக்கப்பட்டமை அரசாங்கம் ஊடகவியலாளர்களை கண்காணிக்கின்றது என்பதை வெளிப்படுத்தியுள்ளது என சுதந்திர ஊடக இயக்கம் தெரிவித்துள்ளது.
இலங்கையின் பெரும்பான்மையான மக்களின் வாழ்க்கை குறித்த தனது உணர்வுகளை முகநூல் ஊடாக வெளிப்படுத்தியமைக்காக என்னை ரூபவாஹினியிலிருந்து தடை செய்துள்ளனர் என பெண் ஊடகவியலாளர் தனது முகநூலில் பதிவிட்டுள்ளார்.
உயர்மட்டத்திலிருந்து வந்த உத்தரவின் பேரிலேயே தாங்கள் இந்த நடவடிக்கை எடுத்துள்ளனர் என்று நிகழ்ச்சி தயாரிப்பாளர்கள் ஊடகவியலாளரிடம் தெரிவித்துள்ளனர் என சுதந்திர ஊடக இயக்கம் தெரிவித்துள்ளது.
எனது சமூக ஊடக பதிவுகள் ஜனாதிபதியையும் அரசாங்கத்தையும் விமர்சித்துள்ளதால் ஜனாதிபதி செயலகம் என்னை ரூபவாஹினியின் ஒரு பகுதியாக செயற்பட அனுமதிக்க வேண்டாம் என தெரிவித்துள்ளது, என பெண் ஊடகவியலாளர் தெரிவித்தார் என்றும் சுதந்திர ஊடக இயக்கம் தெரிவித்துள்ளது.
இந்த சம்பவத்தை கடுமையாக கண்டித்துள்ள சுதந்திர ஊடக இயக்கம் அரசமைப்பு ரீதியில் ஒருவருக்கு உத்தரவாதம் செய்யப்பட்டுள்ள கருத்து பேச்சு சுதந்திரத்தை மீறுகின்றது என தெரிவித்துள்ளது.
Discussion about this post