வீடு புகுந்து தாக்குதல்!!- தருமபுரத்தில் சம்பவம்!!

கிளிநொச்சி, தருமபுரத்தில் உள்ள வீடொன்றுக்குள் புகுந்து இனந்தெரியாதவர்கள் தாக்குதல் நடந்தியுள்ளனர்.

இந்தச் சம்பவம் நேற்று அதிகாலை 3 மணியளவில் நடந்துள்ளது. தாக்குதலில் வீட்டின் கதவு, வீட்டில் முன்பகுதியில் வைக்கப்பட்டிருந்த பூந்தொட்டிகள், தளபாடங்கள் எனப் பல பொருள்கள் அடித்துச் உடைத்துச் சேதமாக்கப்பட்டுள்ளன.

அந்த வீட்டில் , போரில் கணவனை இழந்த 5 பிள்ளைகளைக் கொண்ட பெண் தலைமைத்துவக் குடும்பமே வசிக்கின்றது என்று தெரிவிக்கப்படுகின்றது.

இந்தச் சம்பவம் தொடர்பாகத் தருமபுரம் பொலிஸ் நிலையத்தில் முறைப்பாடு செய்யப்பட்டுள்ளது.
சம்பவ இடத்துக்குச் சென்ற பொலிஸார் விசாரணைகளை முன்னெடுத்தனர்.