விடுமுறையில் வீட்டுக்கு வந்த இராணுவச் சிப்பாய் மாரடைப்புக் காரணமாக உயிரிழந்துள்ளார். இந்தச் சம்பவம் நேற்று நடந்துள்ளது. அச்சுவேலி தெற்கு, நாவற்காட்டைச் சேர்ந்த நாகரத்தினம் விவேக் (வயது-29) என்பவரே உயிரிழந்துள்ளார்.
இவர் வழமைபோன்று நேற்றுமுன்தினம் இரவு உணவு அருந்திவிட்டு உறக்கத்துக்குச் சென்ற நிலையில், காலை எழவில்லை.
அதையைடுத்து அவர் உடனடியாக அச்சுவேலி பிரதேச மருத்துவமனைக்குக் கொண்டு செல்லப்பட்டுள்ளார். அவர் ஏற்கனவே உயிரிந்தமை மருத்துவர்களால் உறுதிப்படுத்தப்பட்டுள்ளது.
உயிரிழந்த சிப்பாய், கிளிநொச்சிப் பகுதியில் உள்ள இராணுவ முகாம் ஒன்றில் பணியாற்றுகிறார் என்று தெரிவிக்கப்படுகின்றது. இந்தச் சம்பவம் தொடர்பாக அச்சுவேலிப் பொலிஸார் விசாரணைகளை முன்னெடுத்துள்ளனர்.(எ-23)
Discussion about this post