இரு நாள் பயணமாக யாழ்ப்பாணம் வந்துள்ள பிரதமர் மஹிந்த ராஜபக்ச இன்று விகாரைகளிலும், ஆலயங்களிலும் வழிபாடுகளை மேற்கொண்டார்.
யாழ்ப்பாணத்தில் உள்ள விகாரை மற்றும் நயினாதீவில் உள்ள விகாரை என்பவற்றுக்குச் சென்ற பிரதமர் வழிபாடுகளை மேற்கொண்டதுடன், நயினை நாகபூசணி அம்மன் ஆலயத்திலும் வழிபாடு மேற்கொண்டார். பிரதமரின் நிகழ்வுகளில் செய்தி சேகரிப்புக்கு செய்தியாளர்களுக்கு அனுமதி வழங்கப்படவில்லை.
அதேநேரம் பிரதமர் மஹிந்த ராஜபக்சவின் யாழ்ப்பாண வருகைக்கு எதிர்ப்புத் தெரிவித்து யாழ்ப்பாணம் மாவட்டச் செயலகத்துக்கு முன்பாக இன்று ஆர்ப்பாட்டம் ஒன்றும் முன்னெடுக்கப்பட்டது.
தமிழ்த் தேசிய மக்கள் முன்னணியின் ஏற்பாட்டில் நடைபெற்ற இந்த ஆர்ப்பாட்டத்தில் நாடாளுமன்ற உறுப்பினர் செல்வராஜா கஜேந்திரன் உட்படப் பலர் கலந்துகொண்டனர்.
Discussion about this post