யாழ்ப்பாணத்தில் நடந்த விபத்தில் ஒருவர் உயிரிழப்பு! – பெண் கைது!

யாழ்ப்பாணம், கோண்டாவில் உப்புமடம் சந்தியில் நேற்று மதியம் நடந்த விபத்தில் ஒருவர் உயிரிழந்துள்ளார்.

கோண்டாவிலைச் சேர்ந்த எஸ்.விக்னேஸ்வரன் என்ற 68 வயதுடையவரே உயிரிழந்தவராவார்.

வீதியில் நடந்து சென்ற முதியவரை மோட்டார் சைக்கிள் ஒன்று மோதியதில் அவர் படுகாயமடைந்தார். யாழ்ப்பாணம் போதனா மருத்துவமனையில் அவர் சேர்க்கப்பட்டிருந்த நிலையில் இன்று மாலை அவர் உயிரிழந்துள்ளார்.

மோட்டார் சைக்கிளைச் செலுத்தி வந்த பெண் கோப்பாய் பொலிஸாரால் கைது செய்யப்பட்டுள்ளார். இந்த விபத்துத் தொடர்பான மேலதிக விசாரணைகள் கோப்பாய் பொலிஸாரால் முன்னெடுக்கப்பட்டு வருகின்றது.