யாழ்ப்பாணம் கொடிகாமம் பகுதியில் மிருசுவிலில் இடம்பெற்ற ரயில் விபத்தில் சிறுவன் ஒருவன் உயிரிழந்துள்ள நிலையில் மேலும் இருவர் படுகாயங்களுடன் யாழ்.போதனா மருத்துமனையில் சிகிச்சைக்காக சேர்க்கப்பட்டுள்ளனர்.
கொடிகாமம் தவசிக்குளம் பகுதியை சேர்ந்த தயாபரன் ஜனுசன் எனும் 12 வயதுச் சிறுவனே உயிரிழந்துள்ளார்.
உயிரிழந்தவரின் தந்தையான 45 வயதான நாகமணி தயாபரன் மற்றும் உயிரிழந்தவரின் சகோதரனான 15 வயதான தயாபரன் தனுஷன் ஆகிய இருவரும் படுகாயமடைந்த நிலையில் யாழ்.போதனா மருத்துவமனையில் சேர்க்கப்பட்டுள்ளனர்.
காங்கேசன்துறையில் இருந்து கொழும்பு நோக்கி இன்று வெள்ளிக்கிழமை பயணித்த ரயிலுடன் கொடிகாமம் மிருசுவில் வைத்திய சாலைக்கு அண்மையில் உள்ள ரயில் கடவையில் பட்டா ரக வாகனம் மோதி விபத்துக்கு உள்ளானது.
பட்டா ரக வாகனத்தில் பயணித்த சிறுவன் உயிரிழந்த நிலையில், சிறுவனின் தந்தையும் , சகோதரனும் படுகாயங்களுடன் சாவகச்சேரி ஆதார மருத்துவமனையில் சேர்க்கப்பட்டனர்.
அங்கிருந்து மேலதிக சிகிச்சைக்காக யாழ்ப்பாணம் போதனா வைத்தியசாலைக்கு மாற்றப்பட்டுள்ளனர்.
Discussion about this post