மாங்குளம், முறிகண்டிப் பகுதியில் நடந்த விபத்தில் புதுக்குடியிருப்புப் பிரதேச சபை ஊழியர் ஒருவர் உயிரிழந்துள்ளார். இந்த விபத்தில் மூவர் படுகாயமடைந்துள்ளனர்.
இன்று மதியம் இந்த விபத்து நடந்துள்ளது. முறிகண்டியில் இருந்து கிளிநொச்சி நோக்கிப் பயணித்த கழிவகற்றும் உழவியந்திரத்துடன், அதே திசையில் பயணித்த சொகுசு பஸ் மோதி விபத்துக்குள்ளாகியுள்ளது.
உழவியந்திரத்தைச் செலுத்தி வந்த, மணவாளன்பட்டமுறிப்பைச் சேர்ந்த 35 வயதான ஜெயராம் பிரசாத் சம்பவ இடத்திலேயே உயிரிழந்தார். உழவியந்திரத்தில் பயணித்த மூவர் படுகாயமடைந்தனர். இவர்கள் மூவரும் சுகாதார சிற்றூழியர்களாவர்.
படுகாயமடைந்த மூவரும் கிளிநொச்சி வைத்தியசாலையில் சேர்க்கப்பட்டுள்ளதுடன், உயிரிழந்தவரின் உடல் கிளிநொச்சி வைத்தியசாலையில் வைக்கப்பட்டுள்ளது. இந்தச் சம்பவம் தொடர்பாக மாங்குளம் பொலிஸார் விசாரணைகளை முன்னெடுத்துள்ளனர்.
Discussion about this post