கோப்பாய் பிரதேச செயலகத்துக்கு முன்பாக நேற்று இரவு நடந்த விபத்தில் இருவர் காயமடைந்துள்ளனர். மின்சாரம் துண்டிக்கப்பட்டிருந்த நேறரத்தில், இரவு 9 மணியளவில் இந்த விபத்து நடந்துள்ளது.
சைக்கிளில் பயணித்த ஒருவர் வீதியைக் கடக்க முயன்றபோது, மோட்டார் சைக்கிள் மோதி விபத்து நடந்துள்ளது. விபத்தில் 25 வயது இளைஞன் ஒருவரும், 40 வயதான குடும்பஸ்தர் ஒருவர் காயமடைந்துள்ளனர். விபத்தில் காயமடைந்த இருவரும் யாழ்ப்பாணம் போதனா மருத்துவமனைக்கு அனுப்பப்பட்டுள்ளனர்.
இந்த விபத்துச் சம்பவம் தொடர்பாகப் பொலிஸார் விசாரணைகளை முன்னெடுத்துள்ளனர்.
அதேவேளை, விபத்தை அடுத்து கோப்பாய் ஆதார மருத்துவமனையில் நோயாளர் காவு வண்டியைக் கோரியபோதும், விபத்து நடந்த பகுதிக்கு நோயாளர் காவு வண்டியை அனுப்ப அவர்கள் மறுப்புத் தெரிவித்தனர் என்று சம்பவ இடத்தில் இருந்த மக்கள் குற்றஞ்சாட்டியுள்ளனர்.
Discussion about this post