மருத்துவபீட மாணவி என ஏமாற்றியவர் மறியலில்!

யாழ்ப்பாணம் பல்கலைக் கழக மருத்துவ பீட போலி அடையாள அட்டையைக் காண்பித்து வாடகைக்கு அறை எடுத்துத் தங்கியிருந்த இளம் யுவதி ஒருவர் கோப்பாய் பொலிஸாரால் கைது செய்யப்பட்ட நிலையில், அவரை விளக்கமறியலில் வைக்குமாறு நீதிமன்றம் உத்தரவிட்டுள்ளது.

யாழ்.பல்கலைக்கழக மருத்துவ பீட போலி அடையாள அட்டையை காண்பித்து, மருத்துவ பீட மாணவி என அறிமுகப்படுத்திய குறித்த யுவதி, திருநெல்வேலிப் பகுதியில் வாடகைக்கு அறை எடுத்துத் தங்கியுள்ளார்.

ஆயினும் அவரது நடவடிக்கைகளில் வீட்டு உரிமையாளருக்குச் சந்தேகம் ஏற்பட்டதை அடுத்து அவர் கோப்பாய் பொலிஸாருக்கு இது தொடர்பாக அறிவித்துள்ளார்.

கோப்பாய் பொலிஸார் அந்த யுவதியிடம் விசாரணை மேற்கொண்டபோது, அவர் மருத்துவபீட மாணவி இல்லை என்பதும், அவர் காண்பித்த அடையாள அட்டை போலியானது என்றும் கண்டுபிடிக்கப்பட்டது.

அதையடுத்து அவரைக் கைது செய்த பொலிஸார் விசாரணைகளில் பின்னர் அவரை யாழ்ப்பாணம் நீதிவான் நீதிமன்றில் முற்படுத்தினர். நீதிவான் சந்தேகநபரை 14 நாள்கள் விளக்கமறியலில் வைக்க உத்தரவிட்டார்.