கோயிலில் சங்கிலி அறுத்த கில்லாடிகள்!! – அந்தரங்க உறுப்பில் மறைத்து வைத்த நகைகள் மீட்பு!!

யாழ்ப்பாணம், திருநெல்வேலி பகுதியில் உள்ள பிள்ளையார் ஆலயத் திருவிழாவில் பக்தர்களின் தங்கநகைகளை திருடிய குற்றச்சாட்டில் 9 பேர் கைது செய்யப்பட்டுள்ளனர்.

கைது செய்யப்பட்டவர்களின் அந்தரங்க உறுப்புக்களில் மறைத்து வைக்கப்பட்டிருந்த நகைகள் மீட்கப்பட்டுள்ளன என்று பொலிஸார் தெரிவித்தனர்.

இன்று செவ்வாய்க்கிழமை ஆலயத்தின் தேர்த் திருவிழா நடைபெற்றது. திருவிழாவுக்கு வந்திருந்த 4 பேரின் தங்க நகைகள் களவாடப்பட்டிருந்திருந்தன.

இந்தச் சம்பவம் தொடர்பாக கோப்பாய் பொலிஸாருக்கு தகவல் வழங்கப்பட்டது. பொலிஸார் சம்பவ இடத்துக்கு வந்து விசாரணைகளை மேற்கொண்டனர்.

ஆலயத்துக்கு வந்த கிழக்கு மகாணத்தைச் சேர்ந்த 9 பெண்களைச் சந்தேகத்தின் அடிப்படையில் பொலிஸார் விசாரணைக்கு உட்படுத்தினர்.

பெண் பொலிஸார் அவர்களைச் சோதனைக்கு உட்படுத்தியபோது அவர்கள் அந்தரங்க உறுப்பில் மறைத்து வைக்கப்பட்டிருந்த நகைகள் மீட்கப்பட்டன என்று பொலிஸார் தெரிவித்தனர்.