கிளிநொச்சி, இரணைமடு அம்பாள் நகர் பகுதியில் நடந்த விபத்தில் ஒருவர் சம்பவ இடத்திலேயே உயிரிழந்துள்ளார்.

இந்த விபத்து இன்று இரவு 7 மணியளவில் நடந்துள்ளது. இரணைமடுப் பகுதியில் ஏ-9 வீதி நோக்கிப் பயணித்த ஐஸ்கிரீம் விற்பனை வாகனத்துடன் மோட்டார் சைக்கிள் மோதி விபத்துக்குள்ளாகியுள்ளது.

மோட்டார் சைக்கிளைச் செலுத்திச் சென்றவர் சம்பவ இடத்திலேயே உயிரிழந்துள்ளார்.

கிளிநொச்சி, திருவையாறைச் சேர்ந்த ப.சஞ்சீவன் என்னும் 29 வயது இளைஞரே உயிரிழந்துள்ளார். இவர் ஆடைத் தொழிற்சாலை ஒன்றில் பணியாற்றுபவர் என்று தெரிவிக்கப்படுகின்றது.

விபத்துத் தொடர்பான விசாரணைகளைக் கிளிநொச்சிப் பொலிஸார் முன்னெடுத்துள்ளனர்.