கொழும்பு, காலி முகத் திடலில் அரசாங்கமும், ஜனாதிபதியும் பதவி விலக வேண்டும் என்று வலியுறுத்தி நேற்று ஆரம்பிக்கப்பட்ட மக்கள் போராட்டம், இன்றும் மழைக்கு மத்தியில் தொடர்கின்றது.
நேற்று பிற்பகலுக்குப் பின்னர் காலிமுகத் திடலில் மக்கள் திரள ஆரம்பித்திருந்த நிலையில், இரவு சுமார் 25 ஆயிரத்துக்கும் மேற்பட்டவர்கள் அந்தப் பகுதியில் திரண்டனர்.
இரவு முழுவதும் போராட்டங்கள் நடத்தப்பட்ட நிலையில், மக்கள் எண்ணிக்கை அதிகரித்த வண்ணமே இருந்தது.
ஜனாதிபதி செயலகத்தை முற்றுகையிட்ட மக்கள் அமைதியான முறையில் போராட்டங்களை முன்னெடுத்தனர். ஜனாதிபதி செயலகத்துக்குள் பெரும் எண்ணிக்கையான பொலிஸாரும், இராணுவத்தினரும் குவிக்கப்பட்டிருந்தனர்.
போராட்டத்தில் ஈடுபட்ட மக்கள் ஜனாதிபதி கோத்தாய ராஜபக்சவும், ராஜபக்ச சகோதரர்களும் உடனடியாகப் பதவி விலக வேண்டும் என்று வலியுறுத்தினர்.
நேற்று ஆரம்பித்த போராட்டம் இன்று தொடர்ந்து நடைபெற்று வருகின்றது. போராட்டத்தில் பெரும் எண்ணிக்கையான மக்கள் கலந்து கொண்டுள்ளனர்.
Discussion about this post