கட்டுகஸ்தோட்டை பொலிஸ் பிரிவுக்குட்பட்ட சாப்புகடவத்தவில் இன்று அதிகாலை தீயில் எரிந்து மூவர் உயிரிழந்துள்ள நிலையில், அந்தச் சம்பவம் தொடர்பில் அதிர்ச்சித் தகவல்கள் வெளியாகியுள்ளன.
சம்பவத்தில் உயிரிழந்த யுவதிக்கும் இளைஞருக்குமிடையிலான காதல் தொடர்பே இந்தச் சம்பவத்துக்குக் காரணம் என்றும், சம்பவத்தில் உயிரிழந்த இளைஞனே தீயை வைத்துள்ளார் என்பதும் விசாரணையில் தெரியவந்துள்ளது.
இன்று அதிகாலை வீட்டுக்குள் நுழைந்த இளைஞன், வீட்டுக்குள் எவரும் உள்நுழைய முடியாதவாறு கதவுகளைப் பூட்டி தீயை வைத்துள்ளார் என்று கூறப்படுகின்றது.
இளைஞன் ஏதோ ஒருவகையான திரவத்தை வீட்டுக்குள் வீசினார் என்று, வைத்தியசாலையில் தீக்காயங்களுடன் சேர்க்கப்பட்டுள்ள யுவதியின் தாய் வாக்குமூலம் அளித்துள்ளார் என்று பொலிஸார் தெரிவித்தனர்.
இதேவேளை சம்பவத்தில் காதலனான இளைஞன், யுவதி மற்றும் யுவதியின் தந்தை ஆகியோரே உயிரிழந்துள்ளனர்.
Discussion about this post