தமிழ் தேசிய மக்கள் முன்னனியின் நாடாளுமன்ற உறுப்பினர் செல்வராஜா கஜேந்திரன் மீது சிங்கள காடையர்கள் மேற்கொண்ட தாக்குதலை வன்மையாக கண்டிப்பதாக பிரித்தானிய நாடாளுமன்ற உறுப்பினர் சியோபைன் மெக்டொனாக் தெரிவித்துள்ளார்.
எக்ஸ் தளத்தில் பதிவொன்றினை இட்டு அவர் இதனை தெரிவித்துள்ளார்.
பொத்துவிலில் இருந்து நல்லூர் நோக்கி சென்று கொண்டிருந்த தியாக தீபம் திலீபனின் உருவம் தாங்கிய ஊர்தி மீது திருகோணமலை, கப்பல்துறையில் வைத்து இராணுவ புலனாய்வாளர்கள் மற்றும் காவல்துறையினர் சூழ்ந்திருக்கும் போது மேற்கொள்ளப்பட்ட தாக்குதலை வன்மையாக கண்டிப்பதாக கூறியுள்ளார்.
இந்தத் தாக்குதல் நடவடிக்கையின் போது காவல்துறையினர் அதனைத் தடுக்க முற்படாது பார்த்துக்கொண்டிருந்ததாகவும் குறிப்பிட்டுள்ளார்.
சர்வதேச சமூகம் நினைவேந்தல் உரிமையை வலியுறுத்த வேண்டும் என்றும் தேர்ந்தெடுக்கப்பட்ட தமிழ் பிரதிநிதிகளை பாதுகாக்க வேண்டும என்றும் அவர் வலியுறுத்தியுள்ளார்.
Discussion about this post