இலங்கைக் கடற்பரப்புக்குள் அத்தமீறி மீன்பிடியில் ஈடுபட்ட குற்றச்சாட்டில் தமிழக மீனவர்கள் நால்வர் இலங்கைக் கடற்படையால் கைது செய்யப்பட்டுள்ளனர்.

இன்று அதிகாலை நெடுந்தீவு அருகே தமிழக மீனவர்கள் மீன்பிடித்துக் கொண்டிருந்தபோது, அந்தப் பகுதியில் ரோந்து நடவடிக்கையில் ஈடுபட்ட இலங்கைக் கடற்படையினர் அவர்களைக் கைது செய்தனர் என்று தெரிவிக்கப்படுகின்றது.

கைது செய்யப்பட்ட மீனவர்கள், தமிழகத்தின் இராமேஸ்வரம் பகுதியைச் சேர்ந்தவர்கள் என்று தெரியவருகின்றது.

கைது செய்யப்பட்ட மீனவர்கள் காங்கேசன்துறை மயிலிட்டி துறைமுகத்துக்குக் கொண்டுவரப்பட்டு, அவர்களை கடற்றொழில் மற்றும் நீரியல்வளத்துறை அதிகாரிகளிடம் ஒப்படைக்க நடவடிக்கை எடுக்கப்பட்டுள்ளது என்று கடற்படையினர் தெரிவித்தனர்.