இலங்கையில் சில பகுதிகளில் இன்று இரண்டரை மணிநேரம் மின்சாரத்தை துண்டிப்பதற்கு பொதுப் பயன்பாட்டு ஆணைக்குழு, இலங்கை மின்சார சபைக்கு அனுமதியளித்துள்ளது.
ஏ.பி மற்றும் சி. வலயங்களில் மாத்திரம் இன்று மின்சாரம் துண்டிக்கப்படவுள்ளது. ஞாயிற்றுகிழமை என்பதால் இன்று பகல் வேளையில் ஆயிரத்து 650 மொகாவொட் மின்சார தேவை இருக்கக்கூடும் என எதிர்பார்க்கப்படுகின்றது என்று மின்சார சபை அறிவித்துள்ளது.
மாலை வேளையில் ஆயிரத்து 550 மொகாவொட் மின்சாரத்துக்கான தேவையும் இரவு வேளையில் ஆயிரத்து 350 மொகாவொட் மின்சாரத்துக்கான தேவையும் நிலவும் என எதிர்பார்க்கப்படுகின்றது என்றும் இலங்கை மின்சார சபை தெரிவித்துள்ளது.
அதேநேரம், தற்போதைய நிலையில் மிகவும் சிக்கனமாக மின்சாரத்தை பயன்படுத்த வேண்டும் என்று பொதுப் பயன்பாட்டு ஆணைக்குழு மக்களிடம் கோரியுள்ளது.
Discussion about this post